Policia e Kosovës ka arrestuar një 27 vjeçar në Ferizaj i cili po kërkohej për veprën penale  ” Vrasje e mbetur në tentativë”

Sipas policisë ai ishte i kërkuar në bazë të urdhëresës së Gjykatës Themelore në Ferizaj me dënim burgimi prej 18 muajve.

“Me datën 06.04.2024 rreth orës 22:00 policët e Njësisë së Reagimit të Shpejtë (NJRSH), në Ferizaj kanë arrestuar personin e kërkuar G.L ( M/K) i moshës 27 vjeçar. Ai ishte i kërkuar në bazë të urdhëresës së Gjykatës Themelore në Ferizaj për veprën penale:  ” Vrasje e mbetur në tentativë”  me dënim burgimi prej tetëmbëdhjetë (18) muajve dhe pas kompletimit të dokumentacionit është dërguar në vuajtje të dënimit.”, thuhet në njoftimin e policisë.

Ndër të tjera, policia ka falënderuar qytetarët për bahskëpunimin, ndërsa ka inkurajuar edhe të tjerët që të bashkëpunojnë me policinë.

“Saherë që kanë informacione për personat e kërkuar nga organet e rendit, të njoftojnë menjëherë stacionin e policisë më të afërt, apo përmes aplikacionit digjital ”Lajmëro Policinë ” dhe në numrat kujdestarë : 192 ,0290/326-250 & 0290/322-406.”, thuhet ndër të tjera në njoftim./Arbresh.info/